19:10 პატარა შეიარაღებული ბიჭუნა პატრულთან ერთად |
| სოციალურ ქსელში გავრცელდა ფოტოსურათი, სადაც საპატრულო ეკიპაჟთან ერთად არასრულწლოვანი ბიჭუნა არის აღბეჭდილი. პატარას შორტზე იარაღი აქვს დამაგრებული. სად და როდის არის ფოტოსურათი გადაღებული, უცნობია. იარაღიანი ბავშვის ფოტოს ინტერნეტ-სივრცეში დიდი გამოხმაურება მოჰყვა. გაჩნდა მოსაზრებები, რომ პატარას პატრულის იარაღი აქვს შორტზე დამაგრებული.
ფაქტთან დაკავშირებით, შსს-ს პრესსამსახურს დავუკავშირდით. "ვნახეთ ეს ფოტოსურათი და მინდა გითხრათ, ბავშვს ნამდვილი იარაღი არ აქვს. იარაღთან ვისაც აქვს შეხება, იცის, რომ მძიმეა ეს იარაღი, პატრულს სპეციალურ ჩასადებში უდევს იარაღი. შორტზე ნამდვილად არ დამაგრდებოდა ეს იარაღი, თან გამორიცხულია პოლიციელმა დატენილი იარაღი მისცეს პატარას. სავარაუდოდ, ბავშვი მივიდა პატრულთან და მანქანაში ჩაახედეს. სამწუხაროდ, არ ჩანს საპატრულო ეკიპაჟის ნომერი ფოტოზე, აბსოლუტურად დარწმუნებული ვარ, ეს არის სათამაშო იარაღი, ბავშვი ალბათ პოლიციელობას თამაშობდა. გამორიცხულია, პოლიციამ მესამე პირს გადასცეს იარაღი და მით უმეტეს, ეს იარაღი დამაგრდეს ბავშვის შორტზე", - განუცხადეს AMBEBI.GE-ს შსს-ს პრესსამსახურში. თამარ ბოჭორიშვილი AMBEBI.GE |
|
|
| სულ კომენტარები: 0 | |