დღესდღეობით სულ უფრო და უფრო მეტი ადამიანი ცდილობს შეიძინოს ისეთი ნივთი, რომელიც ნატურალური მატერიალებისგან იქნება დამზადებული. იქნება ეს ტანსაცმელი, ფეხსაცმელი თუ აქსესუარი ამას მნიშვნელობა არ აქვს, მთავარია იყოს მოდური და თანამედროვეობას აყოლილი.

წლევანდელ წელს კი ყველაზე პოპულარული მომხმარებლებს შორის ხისგან დამზადებული საათებია. რამ განაპირობა ამხელა ინტერესი? აი რას ამბობენ მოდის ექსპერტები:

ძალიან დიდი ხანია რაც ხის ნაკეთობები მოწინავე პოზიციებს იკავებს მომხმარებლებში, რომლებიც აფასებენ სტილს და საკუთარ თავს. მსოფლიოს საუკეთესო ბრენდები უფრო და უფრო ხშირად გვთავაზობენ ნატურალური ხისგან დამზადებულ ნივთებს საკუთარ კოლექციებში, რაც მსგავს ნაკეთობებს უდიდეს პოპულარობას სძენს.

სწორედ ამიტომ გახდა ხისგან დამზადებული საათებიც პოპულარული. მსგავსი მაჯის საათები,  მომხმარებლების აზრით კომფორტული, მდიდრული და მიმზიდველია. ერთ-ერთი ყველაზე პოპულარული ბრენდი მსგავს საათებში FEELWOOD გახლავთ, რომლის უახლესმა კოლექციამ საკმაოდ დიდ წარმატებას მიაღწია.

ხისგან დამზადებულ საათებს აქვთ უნარი იყოს ერთდროულად მდიდრული, მოდური და კმოფორტულიც. თუმცა, მომხმარებლები მისი მოვლის პრობლემებზე უამრავ შეკითხვებს სვამენ, რაზეც პასუხი ერთია: დღევანდელი ტექნოლოგიები გვაძლევს იმის საშუალებას, რომ საათები დამუშავდეს ისე, რომ მას წყალთან მინიმალური კონტაქტისას პრობლემები არ შეექმნას. ანალოგიური წესები ვრცელდება ხის საათებზეც.

ასე რომ, წლევანდელ წელს ხისგან დამზადებული მაჯის საათები, ყველაზე პოპულარული და გაყიდვადია. შესაბამისად, დიზაინერები და მოდის სახლებიც რეკომენდაციას სწორედ მსგავს საათებს უწევენ.

autoradio.ge