კბილის პასტა არის პროდუქტი გასაოცარი თვისებებით. ის ძალიან სწრაფად შრება, თანაც, თავის გარშემო სისველესაც იწოვს. კბილის პასტის შემადგენლობაში ხშირად შედის მათეთრებელი საშუალებები, რაც ჩვეულებრივ კბილის პასტას, კბილების გამოხეხვის გარდა, სხვა სიტუაციებშიც გამოგაყენებინებთ. გთავაზობთ საკმაოდ უცნაურ რჩევებს, მაგრამ მათი საშუალებით ბევრი პრობლემის მოგვარებას შეძლებთ.

1)თუკი ვერცხლის ნივთის გაწმენდა გსურთ, დაივიწყეთ სხვა საშუალებები. კბილის პასტით ვერცხლის ნებისმიერ ნივთს მშვენივრად გაწმენდთ.

2)არ მოგწონთ, როგორ გამოიყურება თქვენი მანქანის ფარები? გაწმინდეთ ისინი კბილის პასტით. შედეგი ნამდვილად გაგაკვირვებთ.

3)ფორტეპიანოს კლავიშების წმენდა, რასაკვირველია, აუცილებელია. ამ პრობლემასაც კბილის პასტა მოგიგვარებთ და კლავიშები ბზინვას დაიწყებს.

4)არ გადააგდოთ ძველი კბილის ჯაგრისი. ის ძალიან გამოგადგებათ, როდესაც ფეხსაცმლის ღია ფერის დეტალების, მაგალითად, ძირის გაწმენდას გადაწყვეტთ. ოღონდ, სასწაულმოქმედი კბილის პასტის გარეშე არაფერი გამოგივათ.

5)გაგიკვირდებათ, როდესაც გაიგებთ, რომ თუკი წყალში გამოსაყენებელ სათვალეებს შიგნიდან კბილის პასტას თხლად წაუსვამთ, წყლის ქვეშ დაორთქვლისგან დაიცავთ.

6)ცოტაოდენი კბილის პასტა ამოიყვანს წყლის ლაქებს ხის ზედაპირიდანაც.

7)პერანგის ჯიბეზე დატოვებული მელნის კვალი შეგიძლიათ ადვილად მოაშოროთ, თუკი ლაქაზე ჯერ კბილის პასტას დაიტანთ და მცირე ხანს გააჩერებთ, შემდეგ კი გარეცხავთ.

8)თუკი თმის შეღებვისას შემთხვევით სახეზე საღებავი მოგეცხოთ, ნუ იდარდებთ, კანში ჩამჯდარ საღებავს კბილის პასტით მოიცილებთ.

9)თუკი კოღოებმა შეგაწუხათ, ნაკბენებზე კბილის პასტა დაიტანეთ, ის მოხსნის გაღიზიანებასა და სიწითლეს მცირე დროის განმავლობაში.

10)თუკი მუწუკი გამოგივიდათ, მისი მოცილებაც კბილის პასტას მიანდეთ.

11)უთოს გაპრიალება თუ მოგესურვებათ, კბილის პასტით ამასაც შეძლებთ და იდეალურ შედეგს მიიღებთ.

12)კბილის პასტა არ დაგიკაწრავთ მობილურს და არ დააზიანებს, ისე გაწმენდს მის ზედაპირს.

13)ხალიჩის ლაქებსაც ადვილად ამოიყვანთ, თუკი გამათეთრებელ კბილის პასტას გამოიყენებთ.

14)მუქი ფერის ლაკის მოცილებას ხშირად ვერ ვახერხებთ კარგად აცეტონის საშუალებით. ამისთვის შეგიძლიათ, კბილის პასტითა და ჯაგრისით კარგად გაიხეხოთ ფრჩხილები. შედეგი ნამდვილად დაგაკმაყოფილებთ.

15)სხვათა შორის, კბილის პასტით ხელის კარგად დაბანაც შესაძლებელია.

16)კბილის პასტით შესაძლებელია თერმოსის, ქილების დეზინფექციაც.

17)ძველი კომპაქტ-დისკის ზედაპირის ნაკაწრებისგან გათავისუფლებაც კბილის პასტის „საქმე“ ყოფილა.

autoradio.ge